მოტოციკლის დიაგნოსტიკა თბილისში

რა სიმპტომებით მოდიან დიაგნოსტიკაზე

• ძრავა არ ქოქავს ან ქოქავს მეამდენეჯერ
• ინთება Check Engine ან სხვა ინდიკატორი
• უცხო ხმაური: კაკუნი, სტვენა, წკრიალი გადაცემისას
• კარგავს სიმძლავრეს, „იხრჩობა" აჩქარებისას
• არასტაბილური უქმი სვლა, მაღალი ხარჯი
• ვიბრაცია, რომელიც ადრე არ იყო
• სწრაფად ჯდება აკუმულატორი
• ყიდვის წინ გინდათ ტექნიკის შემოწმება

რას მოიცავს დიაგნოსტიკა

კომპიუტერული დიაგნოსტიკა

ინჟექტორიან მოდელებზე ვუერთდებით დიაგნოსტიკურ პორტს, ვკითხულობთ შეცდომების კოდებს და სენსორების მაჩვენებლებს რეალურ დროში. კოდი თავისთავად პასუხი არაა — ის მიმართულებას გვაძლევს, რომელსაც მექანიკურად ვამოწმებთ.

მექანიკური დიაგნოსტიკა

კომპრესიის გაზომვა, სანთლების მდგომარეობა, საწვავის მიწოდების შემოწმება, გაჟონვების ძებნა, სავალი ნაწილის შესახსრებების და საკისრების შემოწმება დგარზე.

ელექტრიკის დიაგნოსტიკა

დამუხტვის წრედი (გენერატორი, რელე-რეგულატორი), სტარტერი, აკუმულატორის ტესტი დატვირთვით, გაყვანილობის გაწვდომა — ძველ ტექნიკაზე პრობლემების ნახევარი სწორედ კონტაქტებშია.

დიაგნოსტიკა ყიდვის წინ

აპირებთ მეორადი მოტოციკლის ყიდვას? ჩამოიყვანეთ ჩვენთან გარიგებამდე: შევამოწმებთ კომპრესიას, ელექტრიკას, სავალ ნაწილს და გეტყვით, რა დაგიჯდებათ აღმოჩენილი პრობლემების მოგვარება. ეს ცოდნა ფასზე ვაჭრობისასაც გამოგადგებათ.

როგორ მუშაობს

1. აღწერეთ სიმპტომი წერილში — რაც უფრო კონკრეტულად („ცხელზე უქმზე ქრება"), მით უკეთ.
2. დიაგნოსტიკა ჩვეულებრივ 1–2 საათს იკავებს; რთული შემთხვევები — მეტს, ამას წინასწარ ვამბობთ.
3. იღებთ დასკვნას: რა არის გატეხილი, რა ჯდება შეკეთება და რა შეიძლება მოიცადოს.
4. თუ რემონტს ჩვენთან აკეთებთ, დიაგნოსტიკის ღირებულება სამუშაოს ფასში ითვლება.

თუ მოტოციკლი თავისით ვერ მოდის, გვყავს მოტო ევაკუატორი — ჩამოყვანა და დიაგნოსტიკა ერთ ვიზიტში ჯდება.

ჩაწერა