მოტოციკლის ნაწილები და ეკიპირება შეკვეთით

სათადარიგო ნაწილები — რას ვუკვეთავთ ყველაზე ხშირად

• ფილტრები: ზეთის, ჰაერისა და საწვავის ფილტრები ყველა გავრცელებულ მოდელზე
• სამუხრუჭე სისტემა: ხუნდები, დისკები, სამუხრუჭე სითხე
• ჯაჭვები და ვარსკვლავები: ცალკე ან კომპლექტად — კომპლექტი ყოველთვის უკეთესი გადაწყვეტაა
• სალნიკები და მტვერდამცავები: ვილკის სალნიკები, ძრავის შუასადებები, რემკომპლექტები
• საკისრები: ბორბლის, საჭისა და მიმართულების
• გადაბმულობა: დისკები, ზამბარები, ტროსები
• პლასტმასი: ფარები და ობტეკატელები — Honda CBR, Yamaha YZF, Suzuki GSX, Kawasaki Ninja სერიებზე და სხვებზეც
• ელექტრო ნაწილები: აკუმულატორები, სანთლები, რელეები, განათება
• ზეთები და სითხეები: ძრავის ზეთი, ანტიფრიზი, ჯაჭვის საპოხი

ეკიპირება და საბურავები

რომელი ბრენდების ნაწილებს ვირჩევთ

ანალოგებში ვმუშაობთ იმ მწარმოებლებთან, რომელთა ხარისხიც პრაქტიკაშია შემოწმებული. ორიენტირებული სია ასეთია:

• ჯაჭვები: DID, RK — ტურისტულ და სპორტულ ტექნიკაზე X-ring სერიები
• სამუხრუჭე ხუნდები: EBC, Brembo
• სანთლები: NGK, Denso
• ფილტრები: HiFlo, K&N
• ზეთები: Motul, Liqui Moly, Castrol
• საბურავები: Michelin, Pirelli, Metzeler, Continental
• რემკომპლექტები (საკისრები, სალნიკები): All Balls Racing

თუ კონკრეტული ბრენდი გირჩევნიათ, შეთავაზებაში ზუსტად მას ჩავდებთ — ან პირიქით, აგიხსნით, რატომ არ გვირჩევნია იაფი ვარიანტი კრიტიკულ კვანძზე.

როგორ წავიკითხოთ საბურავის ზომა

საბურავის გვერდზე წარწერა 120/70 ZR17 ასე იშიფრება: 120 — სიგანე მილიმეტრებში; 70 — პროფილის სიმაღლე სიგანის პროცენტში; ZR — სიჩქარის ინდექსი (Z — 240 კმ/სთ-ზე მეტი, რადიალური); 17 — დისკის დიამეტრი დუიმებში. შეკვეთისას საკმარისია ამ წარწერის ფოტო ან მოტოციკლის მოდელი — ქარხნულ ზომებს ჩვენვე მოვძებნით. წინა და უკანა საბურავი სხვადასხვა ზომისაა, კომპლექტში შეკვეთა კი ხშირად იაფი ჯდება.

როგორ შევუკვეთო

1. მოგვწერეთ მოტოციკლის მარკა, მოდელი და წელი (VIN კიდევ უკეთესია) და რა ნაწილი გჭირდებათ.
2. გიპასუხებთ ვარიანტებით: OEM და ანალოგი, თითოეული ფასითა და ჩამოტანის ვადით.
3. ირჩევთ და ადასტურებთ. ნაწილს ვუკვეთავთ და ჩამოსვლისას გატყობინებთ.
4. იბარებთ თბილისში — ან პირდაპირ სახელოსნოში, სადაც იქვე დავამონტაჟებთ.

როგორ ავირჩიოთ ძრავის ზეთი

მოტოციკლის ზეთი მანქანისას არ ჰგავს: უმეტეს მოდელში გადაბმულობა იმავე ზეთში მუშაობს, ამიტომ საჭიროა JASO MA/MA2 სპეციფიკაცია — ავტომობილის „ენერგოდამზოგი" ზეთი გადაბმულობას აცურებს. სიბლანტე (მაგალითად 10W-40 ან 10W-50) მწარმოებლის ინსტრუქციით ვირჩევთ და არა „რაც მაღაზიაშია". თუ ინსტრუქცია ხელთ არ გაქვთ, მოგვწერეთ მოდელი — ქარხნულ დაშვებას ჩვენვე ვნახავთ და შესაბამის ზეთს შემოგთავაზებთ.

ფასები და ვადები

ფასი და ვადა დამოკიდებულია ნაწილსა და საწყობზე, საიდანაც მოდის — ამიტომ ორივეს ზუსტად გწერთ შეთავაზებაში, დადასტურებამდე. თუ ვადა გადაიწია, გატყობინებთ და გადახდილის დაბრუნება ყოველთვის შეგიძლიათ.

შეკვეთა